$
 10581.03
-9.43
 12645.39
-195.54
 145.92
-1.28
weather
+37
Кечаси   +20°

UzAutoMotors Хоразмдаги янги пресс-мажмуани ишга туширди. У йилига 20,5 миллион долларлик импорт ўрнини босади

UzAutoMotors Хоразмдаги янги пресс-мажмуани ишга туширди. У йилига 20,5 миллион долларлик импорт ўрнини босади

“UzAuto Motors” АЖ Хоразм вилояти Питнак шаҳрида янги пресс-мажмуаси очилганини маълум қилди. 1,06 гектар майдонда ишлаб чиқарилган маҳсулот, максимал қувватга эришгандан сўнг, Ўзбекистонда талаб юуқори бўлган Chevrolet Damas ва Labo моделлари учун ҳар йили 12 минг тонна металл листдан 7 миллион турли штамплаш кузов қисмларини ишлаб чиқаради.

Президент Шавкат Мирзиёевнинг 2020 йил декабрида Хоразм вилоятига ташрифи чоғидаги топшириғи, шунингдек, Ўзбекистон Республикаси Президентининг “Бошқарувни янада такомиллаштириш ва ривожланишни жадаллаштириш чора-тадбирлари тўғрисида”ги қарорига мувофиқ амалга оширилган лойиҳа 2017-2021 йилларда автомобилсозлик саноати Chevrolet Damas учун 114 қисм ва Labo учун 152 та эҳтиёт қисмлар етказиб бериб, йиллик импорт ҳажмини 20 миллион АҚШ долларидан зиёдга камайтиради. Шу билан, Damas-ни маҳаллийлаштириш даражаси 31% дан 45% гача, Labo эса 11% дан 45% гача кўпайтирилиши айтилмоқда.

“Ўзавтосаноат” АЖ бошқаруви раиси Шавкат Умурзоқов лойиҳа ҳақида қуйидаги фикрларни билдирди:

“Ушбу лойиҳанинг бошланиши автомобилсозлик саноатининг барқарор ўсиши ва ривожланишини таъминлаш нуқтаи назаридан республикани иқтисодий ривожлантириш стратегиясига тўлиқ мос келади. Гап нафақат замонавий технологияларни жорий этиш, балки юзлаб юқори малакали иш ўринларини яратиш ва айнан қаерда уларга зудлик билан эҳтиёж борлиги ҳақида кетмоқда. Ҳудуддаги аҳолининг умумий фаровонлигини ҳисобга олган ҳолда, 30 га яқин ходим “Темир дафтар”дан, “Ёшлар дафтари”дан юздан ортиқ ёшлар вакиллари иш билан таъминланди. Бизнеснинг ижтимоий таркибий қисми биз учун рентабеллик ва самарадорлик билан бирга ҳар доим ҳам устувор йўналиш бўлиб келган ва шундай бўлиб қолмоқда, шунинг учун янги ишлаб чиқариш маҳаллий бюджетга солиқ тушумларини 12 миллиард сўмга оширишини, бу эса ҳудудни ривожлантиришга аниқ ҳисса қўшишини таъкидлашни муҳим деб биламан.” – деди Шавкат Умурзоқов

Экспорт дастурига эътибор қаратсак, янги мажмуанинг ишга туширилиши “UzAuto Motors” АЖ Хоразм филиали маҳсулотларини экспорт қилиш ҳажмини 50 фоизга ошириш имконини беради. Агар 2020 йилда Damas ва Labo автомобиллари 7 миллион АҚШ доллари миқдорида экспорт қилинган бўлса, 2021 йилда бу кўрсаткич 10 миллион АҚШ долларидан ошиши ва 2022 йилда 15 миллион АҚШ долларига етказилиши режалаштирилган.

“UzAuto Motors” филиали ҳудудида жойлашган янги ноёб пресс-цех ҳудуднинг ривожланган инфратузилмасига жуда мос келади. Вилоят марказининг шаҳар йўлларига ва шаҳарлараро йўналишларга чиқишдан ташқари, завод ўзининг темир йўл линиясига эга, бу эса логистика харажатларини минималлаштиради. Бироқ, лойиҳанинг асосий мақсади, албатта, тайёр маҳсулот нархини пасайтириш орқали рақобатбардошликни оширишдир. Ушбу дастгоҳда Damas ва Labo учун 266 бутловчи қисмлар ишлаб чиқарилади, бу уларнинг локализациясини дарҳол 25% га оширади”, – дея таъкидлади UzAutoMotors бош директори Рустам Ражабов.

Агар 2018 йилда Хоразм вилоятидаги UzAuto Motors заводининг ишлаб чиқариш қувватини йилига 40 тадан 70 мингтагача оширилган бўлса, 2022 йилда бу кўрсаткични 100 мингтага етказиш режалаштирилган. Тайёр маҳсулот таннархи 4,9 триллион сўмдан 6,6 триллион сўмгача ўсади, натижада бюджетга 1,3 триллион сўм келиб тушади.

Таъкидланишича, лойиҳага жами сармоялар “UzAuto Motors” АЖнинг ўз маблағлари ҳисобидан ажратилган 48 миллион АҚШ долларини ташкил этди. Шу билан бирга, йиллик ишлаб чиқариш ҳажми 40 миллион АҚШ доллар даражасида режалаштирилган ва соф фойда 13 миллион АҚШ долларини ташкил этади.

Теги :
Авто