O'zbekistondagi 7 ta oliy ta'lim muassasa TOP-1000 talikka kiritildi

Buyuk Britaniyaning reyting tashkiloti “Times Higher Education" agentligi 2024-yil uchun e'lon qilgan reytingidan O'zbekistonning 53 ta oliy ta'lim muassasasi joy oldi.

Barqaror rivojlanish maqsadlariga qo'shgan hissasi uchun

Reyting universitetlarning Birlashgan Millatlar Tashkiloti tomonidan belgilangan 17 ta Barqaror Rivojlanish Maqsadlariga (BRM) qoʻshgan hissasini tahlil qildi. Unda bu yil O'zbekistonning 53 ta oliy ta'lim muassasi qayd etildi. Shulardan 7 tasi TOP-1000 talikdan joy oldi. Maʼlumot uchun, 2021-yilda eʼlon qilingan “THE Impact Rankings” reytingida yurtimizning 10 ta, 2022-yilda 30 ta, 2023-yilda esa 47 ta oliy taʼlim muassasalari oʻrin egallagan edi. 

Reyting koʻrsatkichlari 

Toshkent davlat oʻzbek tili va adabiyoti universiteti – 301–400-oʻrin

Toshkent davlat yuridik universiteti – 401–600-oʻrin

Oʻzbekiston milliy universiteti – 601–800-oʻrin 

“TIQXMMI” Milliy tadqiqot universiteti – 601–800-oʻrin

Samarqand davlat universiteti - 801–1000-oʻrin 

Toshkent davlat texnika universiteti – 801–1000-oʻrin

Toshkent davlat iqtisodiyot universiteti – 801–1000-oʻrin

Reytingda Toshkent davlat oʻzbek tili va adabiyoti universiteti gender tengligi boʻyicha dunyoda 10-oʻrinni egalladi.