OTB O‘zbekiston bilan yashil iqtisodiyotni qo‘llab quvvatlovchi strategiyasini ishga tushirdi
OTB yangi hamkorlikning strategik maqsadlariga erishish uchun siyosiy muloqot va innovatsion yechimlar bilan bir qatorda mamlakatdagi suveren va xususiy sektor faoliyatini safarbar qiladi.
1 daqiqa o‘qiladi
OTB O‘zbekistonning ko‘p yillik ishonchli hamkori sifatida, hatto tashqi global va mintaqaviy zarbalar sharoitida ham mamlakatga barqaror iqtisodiy o‘sishni ta’minlash va qashshoqlikni kamaytirishda yordam berishini qayd etdi.
2024–2028 yillar uchun strategiya
Osiyo taraqqiyot banki (OTB) O‘zbekistonning 2024–2028 yillarga mo‘ljallangan yangi mamlakat hamkorligi strategiyasini ishga tushirdi, bu esa mamlakatni yashil va inklyuziv iqtisodiyotga aylantirish bo‘yicha islohotlarni qo‘llab-quvvatlaydi, deya xabar berdi bank matbuot xizmati.
Nimalarga e'tibor beriladi?
Yangi besh yillik strategiya doirasida OTB O‘zbekiston hukumati bilan mamlakatning yashil iqtisodiyotga o‘tishini qo‘llab-quvvatlash, xususiy sektor rivojlanishi va raqobatbardoshligini qo‘llab-quvvatlash, inson kapitaliga sarmoya kiritishni rag‘batlantirish bo‘yicha yaqindan hamkorlik qiladi.
O‘zbekiston rejalariga mos strategiya
Strategiya Hukumatning “O‘zbekiston 2030” deb nomlanuvchi uzoq muddatli rivojlanish rejasida belgilangan ustuvor yo‘nalishlariga mos keladi.
“OTBning O‘zbekiston bo‘yicha yangi hamkorlik strategiyasi mamlakatni 2030-yilgacha yashil iqtisodiyotga o‘tish bo‘yicha o‘zining strategik maqsadlariga erishishda qo‘llab-quvvatlaydi”, — dedi OTBning Markaziy va G‘arbiy Osiyo bo‘yicha bosh direktori Yevgeniy Jukov.
