Endilikda haydovchilik guvohnomasi olib qo‘yilgan shaxslar “uchastkovoy royxati”da turadi

Oliy Majlis Qonunchilik palatasining seshanba kuni bo‘lib o‘tgan majlisida "Huquqbuzarliklar profilaktikasi to‘g‘risida"gi qonunga o‘zgartish va qo‘shimchalar kiritish haqida"gi qonun loyihasi qabul qilindi.

Profilaktik hisobga olinishi kerak bo‘lgan shaxslar soni qisqartirilmoqda

Hujjatga muvofiq, profilaktik hisobga olinishi lozim bo‘lgan shaxslar soni amaldagi 6 ta toifadan 3 tagacha qisqartirilmoqda. Shu bilan birga, ma’muriy huquqbuzarlik uchun profilaktik hisobga olinadigan moddalar soni 28 tadan 12 tagacha qisqartirilmoqda.

Qanday huquqbuzarlik sodir etgan shaxslar nazoratga olinadi?

— oiladagi zo‘ravonlik uchun ma’muriy javobgarlikka tortilganlar; 

— sodir etgan ma’muriy huquqbuzarligi uchun sud tomonidan transport vositasini boshqarish huquqidan mahrum etilgan shaxslar.

Deputatlarning ta’kidlashicha, qonun loyihasining qabul qilinishi natijasida ayrim toifadagi shaxslarga nisbatan ularning aybdorligi to‘g‘risidagi masalani hal qilmasdan huquqiy ta’sir choralarini qo‘llash amaliyoti bekor qilinadi.