“1 сентябргача бир сўм ҳам қарздорлик қолмаслиги шарт”. Президент тадбиркорлардан қарздор ҳокимларни огоҳлантирди

Маҳаллий ҳокимликлар тадбиркорлардан 123 млрд. сўм қарздор экани маълум бўлди.

Бу ҳақда Президент Шавкат Мирзиёев тадбиркор ва ишбилармонлар билан ўтказилаётган очиқ мулоқот вақтида маълум қилди.

“Маҳаллий ҳокимликлар бино ва иншоотларнинг бузилиши бўйича 349 нафар тадбиркордан 123 миллиард сўм қарздор.

Барча вилоят ҳокимларини огоҳлантираман: 1 сентябрга қадар тадбиркорлар билан барча ҳисоб-китоблар якунига етказилиши, бир сўм ҳам қарздорлик қолмаслиги шарт", – деди давлат раҳбари.