Тошкентда «Nexia»нинг газ баллони портлади. Жами 4 та автомобил зарар кўрган

Кеча, 25 январь куни соат 16:50ларда, Тошкент шаҳар, Мирзо Улуғбек тумани, “Бўз 2” даҳаси 6а-уй қаршисида тўхтаб турган, ҳайдовчи бошқарувидаги «Nexia» русумли автомобилнинг газ баллонида чақнаш содир бўлган.

Натижада ушбу автомобиль яқинида тўхтаб турган “Nexia-3”, "Saprk" ва иккита "Matiz" русумли транспорт воситалари техник шикастланган. Чақнаш натижасида ҳеч ким тан жароҳати олмаган.

Мазкур ҳодиса юзасидан Тошкент шаҳар ФВБ ва ИИББ ЙҲХБ томонидан суриштирув ишлари олиб борилиб, чақнаш сабабларига аниқлик киритилмоқда.