“Навоий ИЭС” АЖ: Назорат тадбирлари тун-у-кун олиб борилмоқда

Қишнинг совуқ кунларида электр станцияларидаги энергоқурилмаларни мунтазам равишда техник кўрикдан ўтказиш талаб этилади. Шу боис “Навоий ИЭС” АЖда ҳам 24 соатлик махсус штаб фаолияти йўлга қўйилган.

Профилактик-техник тадбирлар 

Маълум қилинишича, штаб аъзолари томонидан станциядаги асосий ва ёрдамчи қурилмаларнинг нормал ҳолатда ишлаши доимий назоратдан ўтказилмоқда. Шунингдек, совуқ об-ҳаво шароитида юзага келиши мумкин бўлган носозликларнинг олдини олиш мақсадида профилактик-техник тадбирлар амалга оширилмоқда. 

Асосий мақсадимиз – истеъмолчиларни энергия билан таъминлаш

- Энерго қурилмаларнинг барқарор ишлаши ва ишлаб чиқариш узлуксизлигини таъминлаш учун тун-у-кун зарурий барча чора-тадбирлар олиб борилмоқда. Асосий мақсадимиз – истеъмолчиларни сифатли электр ҳамда иссиқлик энергияси билан таъминлашдан иборат – дейди “Навоий ИЭС” АЖ Ишлаб чиқариш бўйича директори Наврўз Хўжақулов.