ЮРТИМИЗДА МУСТАҚИЛЛИК БАЙРАМИ ШОДИЁНАЛАРИ ДАВОМ ЭТМОҚДА

Юртимиз бўйлаб ҳамон Истиқлолимизнинг 31 йиллик шодиёналари шукуҳи кезиб юрибди. “Иссиқлик электр станциялари” АЖ тизим корхоналари томонидан ҳам ишчи-ходимлар учун “Янги Ўзбекистонда эл азиз, инсон азиз” шиори остида байрам тадбирларини ташкил этиш давом этмоқда. Улардан бири “Сирдарё ИЭС” АЖ бўлиб ўтди. 

“Янги Ўзбекистонда эл азиз, инсон азиз” шиори остида ташкил этилган маънавий-маърифий тадбирда “Сирдарё ИЭС” АЖ раҳбарияти, корхона мутахассислари ва ишчи-ходимлар иштирок этишди. Унда сўзга чиққанлар сўнгги йилларда мамлакатимизда амалга оширилаётган туб демократик ислоҳотлар, халқимизнинг ҳаёти, қалби ва онгида юз бераётган ижобий ўзгаришлар ҳақида тўхталиб ўтишди. Бугунги тинч ва эркин ҳаётни қадрлаб, шукроналик туйғуси билан яшаш ҳақиқий инсонийликнинг чин намунаси экани таъкидланди. 

-Мустақиллик улуғ неъмат. Мана шундай дориломон кунларни асраб-авайлаш ҳаммамизнинг вазифамиз. Буни англаш ва қадрига етиш лозим. Бунга барчамиз бирдек масъулмиз. Бугунги байрам тадбири эса мана шундай ёруғ кунларимиз ҳақида яна бир карра мушоҳада юритиш учун яхши имконият,-дейди “Сирдарё ИЭС” АЖ директори Баҳодир Нурдинов. 

Тадбир давомида, станцияда самарали меҳнат қилган бир гуруҳ соҳа фидоийлари тақдирланди.

Байрам тадбири давомида ватанни мадҳ этувчи куй-қўшиқлар янгради, саҳна кўринишлари намойиш этилди. ies