Mikroto'lqinli pech zararlimi?

Zamonaviy dunyoda mikroto‘lqinli pechlar oshxonalarimizning ajralmas qismiga aylandi. Ular oddiygina tugmachani bosish orqali ovqatni isitish yoki pishirish imkonini beradi. Ammo bu qulaylik sizga yaxshigina xavf ham tug‘dirishi mumkin, hattoki, radiatsiyadan zararlanish ehtimoli mavjud.

Mikroto‘lqinli pechning top 4 xavflari va yechimlar

1. Radiatsiya ta’sirida ko‘zlarning shikastlanishi

Mikroto‘lqinli pechlar ovqatni isitish uchun mikroto‘lqinli radiatsiya hosil qiladi, lekin ular pishirish kamerasida bu nurlanishni saqlash uchun mo‘ljallangan. 

Biroq, vaqt o‘tishi bilan qurilma eskirishi, eshik qistirmalari yomonlashishi mumkin, bu esa potentsial radiatsiya tarqalishiga olib keladi.

Mikroto‘lqinli nurlanish kam miqdorda bo‘lsada uzoq vaqt davom etsa, sog‘liqqa salbiy ta’sir ko‘rsatishi, jumladan kuyishlar, ko‘zlarning shikastlanishiga olib kelishi mumkin.

Muhim: Mikroto‘lqinli pechingiz xavfsiz bo‘lishini ta’minlash uchun muntazam ravishda eshik qistirmalarida eskirish yoki shikastlanish belgilarini tekshiring. Agar biror narsadan shubhalansangiz, mikroto‘lqinli pechni ta’mirlash yoki almashtirish orqali muammoni tezda hal qilish juda muhimdir.

2. Metall bilan bog‘liq baxtsiz hodisalar

Metall buyumlar mikroto‘lqinlarni akslantiradi va o‘zlashtiradi, bu esa elektr tokining paydo bo‘lishiga olib keladi.Bu uchqunlarning chiqishi va ba’zi hollarda hatto yong‘inga olib kelishi mumkin. 

Metall idishlar, alyuminiy folga va metall mavjud bo‘lgan idishlar, agar ular mikroto‘lqinli pechda foydalanish uchun xavfsiz deb belgilanmagan bo‘lsa, hech qachon mikroto‘lqinli pechning ichiga joylashtirilmasligi kerak.

Muhim: Metall bilan bog‘liq baxtsiz hodisalarning oldini olish uchun mikroto‘lqinli pechda ishlatmoqchi bo‘lgan idishlarni yaxshilab tekshiring. 

3. Notekis isitish tufayli ovqat hazm qilishda muammolar

Mikroto‘lqinli pechlar oziq-ovqat mahsulotlarini isitish uchun elektromagnit to‘lqinlardan foydalanadi, bu esa isitiladigan narsa ichida issiqlikning notekis taqsimlanishiga olib keladi.

Ba’zi qismlari haddan tashqari qizib ketsa, boshqa joylar esa sovuq bo‘lib qoladi. Haroratlari notekis taqsimlangan oziq-ovqat mahsulotlarini iste’mol qilish nafaqat ta’m va tuzilishga ta’sir qiladi, balki ularning hazm jarayonini ham qiyinlashtirib yuboradi.

Muhim: Bu xavfni bartaraf qilish uchun, isitish jarayonida ovqatni aralashtish yoki qayta joylash yechim bo‘la oladi. 

4. Plastmassadan zaharlanish xavfi

Mikroto‘lqinli pechlar uchun xavfsiz deb belgilangan plastik idishlar mikroto‘lqinli pechlar tomonidan ishlab chiqarilgan issiqlikka bardosh berishga mo‘ljallangan. 

Biroq, barcha plastmassalar bir xil tarzda yaratilmaydi va ba’zi turlari yuqori harorat ta’sirida zararli kimyoviy moddalarni chiqarishi mumkin.

Bisfenol A va ftalatlar ba’zi plastmassalarda bo‘lgan kimyoviy moddalarga misol bo‘lib, ular qizdirilganda oziq-ovqatga kirib, vaqt o‘tishi bilan sog‘liq uchun xavf tug‘diradi.

Muhim: Mumkin bo‘lgan kimyoviy ifloslanishdan himoya qilish uchun iloji boricha mikroto‘lqinli pechda xavfsiz shisha yoki sopol idishlarni tanlang. Ushbu materiallar sizning ovqatingizga zararli moddalarni chiqarish ehtimoli kamroq.