Diabet va Alsgeymer: ikki kasallik bir-biriga bog‘liqmi?

Texas universiteti olimlari diabetning yangi xavfli tomonini aniqlashdi. Medical Xpress nashridagi tadqiqotga koʻra, bu metabolik buzilish Alsgeymer kasalligiga olib kelishi mumkin.

Bu qanday aniqlandi?

Maʼlumki, dieta diabetning rivojlanishiga, shuningdek, uning sogʻliq uchun oqibatlariga taʼsir qiladi. Qandli diabet bilan ogʻrigan odamlarda ovqatlanish Alsgeymer kasalligining rivojlanishiga qanday taʼsir qilishini bilish uchun tadqiqotchilar ichakdagi maʼlum bir oqsilning miyaga qanday taʼsir qilishini sichqonlarda koʻrib chiqdilar.

Maʼlum boʻlishicha, yogʻli ovqatlarni isteʼmol qilish Jak3 oqsilining yuzaga chiqishiga sabab boʻladi.

Sogʻlom ovqatlanish

Tajribalar shuni koʻrsatdiki, bu proteinsiz sichqonlar ichak-miya oʻqi boʻylab yalligʻlanish kaskadini boshdan kechirgan. Oxir-oqibat, sichqonlarda Alsgeymer kasalligiga mos keladigan simptomlar, shu jumladan amiloid beta va giperfosforlangan tau oqsilining haddan tashqari koʻpayishi, shuningdek, kognitiv buzilishlar namoyon boʻldi.

Ushbu yalligʻlanish yoʻli qon shakar darajasini tartibga solish orqali sogʻlom ovqatlanish bilan tartibga solinishi mumkin. Xususan, bemorlar metabolik anormalliklarni bartaraf etish va 2-toifa diabet rivojlanishining oldini olish uchun turmush tarzini oʻzgartirishdan foyda olishlari mumkin, bu esa Alsgeymer kasalligi xavfini kamaytirishi mumkin.

Ma'lumot uchun, Alsgeymer, bu – oliy ruhiy faoliyatning kuchayib boruvchi buzilishi bilan kechuvchi hamda yillar oʻtib demensiya kasalligi bilan tugallanuvchi neyrodegenerativ kasallik. Ushbu xastalik ayrim adabiyotlarda Alsxaymer kasalligi, Presenil demensiya, deb ham yuritiladi.