Belarus O‘zbekistonda biomedikal hujayra preparatlarini ishlab chiqarishni ko‘zlamoqda
Bu O‘zbekistonda sog‘liqni saqlashning yangi yo‘nalishi hisoblanadi.
1 daqiqa o‘qiladi
Belarusning ommabop tvr.by saytida "O‘zbekiston va Belarus farmatsevtika sohasida hamkorlikni kengaytirmoqda" sarlavhali maqola e’lon qilindi.
“Belaruslik shifokorlar hamkasblari bilan bilan tajriba almashishga tayyor”
Unda ma’lum qilinishicha, 2024-yilda Toshkentda belaruslik mutaxassislar ishtirokida Regenerativ tibbiyot markazini ochish rejalashtirilayotgani xabar qilingan. Markazda biomedikal hujayra preparatlari ishlab chiqarish rejalashtirilgan.
“Belarusda bu texnologiyalar besh yildan ortiq vaqtdan beri faol qo‘llanmoqda va belaruslik shifokorlar o‘zbekistonlik hamkasblari bilan tajriba almashishga tayyor”, deyilgan nashrda.
Belarus O‘zbekistonga dori vositalarini eksport qilishdan manfaatdor
Shuning bilan birga, maqolada Belarus Sog‘liqni saqlash ekspertiza va sinov markazi direktori o‘rinbosari Olga Juravlevaning O‘zbekiston bilan hamkorlikni kengaytirish haqidagi fikrlari o‘rin olgan.
“O‘zbekiston – o‘sib borayotgan yirik bozor. Albatta, bu bizning farmatsevtika sanoatimizni o‘ziga jalb qiladi. Belarus tomoni u yerga dori vositalarini eksport qilishdan manfaatdor. O‘zbekistonlik ishlab chiqaruvchilar boshqa bozorlar qatori Belarusga ham kirishni istaydi. Bu g‘oyalarni amalga oshirish uchun dastlab ikki tomon o‘rtasida hamkorlik aloqalari kuchaytirilishi kerak”, deydi u.
