Самарқандда «Epica» каналга тушиб кетди. Ҳайдовчи вафот этган

Самарқанд вилояти Нарпай туманида 9 октябрь куни ҳайдовчи бошқарувни йўқотиши оқибатида «Epica» каналга тушиб кетиши оқибатида ҳайдовчи вафот этди, дея хабар бермоқда Фавқулодда вазиятлар вазирлиги матбуот хизмати.

Маълумотларга кўра, соат 08:50 да Нарпай туман Фавқулодда вазиятлар бўлимига «Aлишер Навоий» маҳалласи ҳудудидан оқиб ўтувчи каналга «Epica» русумли машина бошқарувини йўқотиши натижасида тушиб кетганлиги тўғрисида хабар берилган.

Мазкур ҳолат юзасидан вилоят Фавқулодда вазиятлар бошқармаси қутқарувчилари воқеа жойига етиб бориб, канал ичидаги автомашина салонидан ҳайдовчини беҳуш ҳолатда чиқариб олишган.

Бироқ тез ёрдам ходимлари томонидан олиб борилган тезкор тиббий ёрдам ва муолажаларга қарамай, фуқаро вафот этган.