2025-yil dunyo avtomobil bozorida qaysi brend yetakchi bo‘ldi?

2025-yilning birinchi yarmida dunyo avtomobil bozorida katta o‘zgarishlar yuz berdi. Unga ko‘ra, an’anaviy ishlab chiqaruvchilar va tez rivojlanayotgan elektromobil brendlari orasida kuchli raqobat yuzaga keldi. Kuchli 15 talikning asosiy qismini Osiyodagi ishlab chiqaruvchilar egalladi. Dunyo avtomobil bozorida qaysi brend birinchi?

Toyota – dunyo bozorining mutlaq yetakchisi

Toyota 2025-yilning birinchi yarmida raqobatchilaridan deyarli ikki baravar ko‘proq mashina sotib, 4,73 millionlik natijaga erishdi. Bu o‘tgan yilga nisbatan 6 foiz o‘sgan bo‘lib, brendning Shimoliy Amerikadan tortib Osiyogacha bo‘lgan yirik bozorlarda mustahkam o‘rnashib olganini yana bir bor isbotlaydi. Dunyo avtomobil sanoati asta-sekin elektrlashtirish sari o‘tayotgan bo‘lsa-da, Toyota keng model tanlovi, global ishlab chiqarish quvvati va bozorlardagi uzoq yillik tajribasi bilan hali ham o‘zining aniq yetakchilik pozitsiyasini saqlab turibdi.

BYD yashin tezligida o‘smoqda

2025-yilning eng e’tiborga sazovor voqealaridan biri BYD’ning tezkor ko‘tarilishidir. Xitoy brendi yilning yarimida 2 milliondan ortiq avtomobil sotdi va shu bilan global ro‘yxatda to‘rtinchi o‘ringa chiqdi. Eng hayratlanarlisi – yillik 31 foizlik o‘sish bo‘lib, bu barcha yirik brendlar orasida eng yuqori ko‘rsatkichdir. Mutaxassislar BYD shunday davom etsa, yil oxirigacha Ford’ni ortda qoldirishi mumkinligini ta’kidlashmoqda. Brend muvaffaqiyatining asosida Xitoyda tez rivojlanayotgan elektromobil bozori, shuningdek Yevropa va Lotin Amerikasidagi sabab bo‘lmoqda. BYD’ning hamyonbop va texnologik jihatdan ilg‘or elektromobillari xalqaro miqyosda ham tobora ko‘proq xaridor topyapti.

Boshqa brendlar ko‘rsatkichlari 

An’anaviy avtomobil ishlab chiqaruvchilari uchun 2025-yilning birinchi yarmi turlicha kechdi. Honda, Nissan, Mercedes va Audi kabi bir nechta yirik brendlar 2–7 foiz oralig‘ida sotuv pasayishini boshdan kechirdi. Yevropa bozorlaridagi xaridorlar elektromobillarga o‘tishda biroz sekinlashishi va umumiy iqtisodiy noaniqlik talabga ta’sir ko‘rsatgani sabab Yevropa bozorlaridagi talab susaydi. Shu bilan birga, Hyundai, Kia va Chevrolet kabi brendlar barqaror o‘sishga erishib, bozorda o‘z o‘rnini mustahkamlashda davom etmoqda. Ularning muvaffaqiyati asosan yangilangan modellari, mos narx siyosati va global bozorlardagi faol harakatlari bilan bog‘liq.

2025-yilda eng ko‘p sotilgan avtomobil brendlari

 1. Toyota – 4,725,616

 2. Volkswagen – 2,320,300

 3. Ford – 2,075,500

 4. BYD – 2,004,442

 5. Hyundai – 1,956,774

 6. Honda – 1,661,200

 7. Suzuki – 1,631,000

 8. Nissan – 1,624,851

 9. Kia – 1,587,536

 10. Chevrolet – 1,490,500

 11. BMW – 1,070,814

 12. Geely – 992,616

 13. Mercedes – 899,974

 14. Renault – 808,674

 15. Audi – 783,531.