Бугундан Аи-95 нархи 300 сўмга арзонлади

«Ўзбекнефтгаз» АЖ «UNG» миллий бренди остидаги ёқилғи қуйиш шохобчалари тармоғи орқали сотилаётган нефть маҳсулотларининг нархини арзонлаштирди. Бу ҳақида «UNG Petro» корхонаси расмий телеграм каналида маълум қилинди.

Қайд этилишича, 10 ноябрдан бошлаб ушбу АЁҚШлардаги импорт қилинган Аи-95 нархи 6 минг 600 сўмдан 6 минг 300 сўмга арзонлаштирилади.

«UNG Petro» корхонаси директори М.Мусаевга кўра, корхона бозор муносабатларига тўлиқ амал қилиб боради, маҳсулот таннархи пасайса, уни сотиш нархи ҳам албатта камайтирилиб, бундан кейин ҳам бу амалиёт давом эттирилади.