Ўзбекистон кишлоқ хўжалиги маҳсулотлари АҚШга экспорт қилинадиган бўлди

Эндиликда, Ўзбекистонда етиштирилган кишлоқ хўжалиги маҳсулотлари Қўшма Штатларга ҳам экспорт қилинади. Бу ҳақида АҚШнинг Ўзбекистондаги элчихонаси Twitter даги саҳифасида маълум қилган.

Ҳайвонлар ва ўсимликлар саломатлиги инспекцияси хизмати савдо директори Пракеш Ҳеббарга кўра, Ўзбекистонда етиштирилган маҳсулотлар устидан текширув ишлари ижобий якунланган. Энди АҚШ қишлоқ хўжалиги департаменти томонидан мош, нўхат, бодом, ёнғоқ, майиз, ўрик қоқи, олхўри қоқи ва анжир қоқи маҳсулотларини АҚШга экспорт қилишга рухсат бериладиган бўлди.