Сергелида "Tico" ёниб кетди

Тошкент шаҳар ИИББ Сергели туманида туширилган ва интернетда тарқаётган ҳодиса видеоси бўйича маълумот берди.

Унга кўра, 16 июль куни тахминан соат 09:39 да Шокирариқ кўчасида қурилаётган бино рўпарасида Сувсоз ДУК ҳузуридаги канализация бошқармасига тегишли "Ticо" русумли автомобилида ёнғин юзага келган. Воқеа жойига ФВВ Тошкент шаҳар бошқармаси ёнғин хавфсизлиги хизмати ходимлари чақирилган.

Автомобиль ҳайдовчиси – 45 ёшли фуқарога зиён етмаган ва ҳодиса туфайли ҳеч ким жабрланмаган. Ёнғиннинг тахминий сабаби: ёнилғи насосининг носозлиги экани айтилмоқда.