“СПОРТНИ СЕВ, СПОРТ БИЛАН ЯША!” ШИОРИ ОСИТИДА МУСОБАҚАЛАР ДАВОМ ЭТМОҚДА

“Иссиқлик электр станциялари” АЖ марказий аппарати ходимлари ўртасида стол тенниси бўйича беллашув бўлиб ўтди.

“Иссиқлик электр станциялари” АЖ томонидан Ўзбекистон Республикаси Президентининг 2020 йил 30 октябрдаги “Соғлом турмуш тарзини кенг татбиқ этиш ва оммавий спортни янада ривожлантириш чора-тадбирлари тўғрисида”ги Фармони ижросини таъминлаш бўйича қатор ишлар амалга оширилмоқда. 

Хусусан, акциядорлик жамияти томонидан 2022 йилда ходимларни спортга жалб этиш ва соғлом турмуш тарзини кенг тарғиб этиш бўйича “Йўл харитаси” ишлаб чиқилган. Унга кўра, “Спортни сев, спорт билан яша!” шиори остида спорт мусобақаларини мунтазам ўтказиш белгиланган. 

Мазкур режага асосан, марказий аппарат ходимлари ўртасида спортнинг стол тенниси тури бўйича беллашув бўлиб ўтди. Унда 50 га яқин ходимлар фаол иштирок этди. 

Мусобақа якунларига кўра, Бошқарув раиси ёрдамчиси Расул Шамсиев биринчи ўринни, Техник бошқармаси бошлиғи Ойбек Зохидов иккинчи ўринни, Хўжалик муносабатлари хизмати бошлиғи Санжар Эркабоев учинчи ўринни эгалладилар. Сўнги натижаларга кўра ғолиб деб топилганларга қимматбаҳо эсдалик совғалари топширилди.