“CИРДАРЁ ИЭС” АЖ ИШЧИ- ХОДИМЛАРИНИНГ ФАРЗАНДЛАРИ ЁЗГИ ОРОМГОҲЛАРДА ДАМ ОЛМОҚДА

Анъанага кўра, ёз мавсуми бошланиши билан “Сирдарё ИЭС” АЖ Касаба уюшма қўмитаси томонидан ишчи-ходимларнинг фарзандлари ёзги таътил даврида оромгоҳларга юборилади. Шунга кўра корхона ишчи-ходимларининг 100 нафар фарзандлари Жиззах вилоятида жойлашган “Зомин соғломлаштириш оромгоҳи”га жойлаштирилди. 

Бу йил оромгоҳ масъуллари томонидан, болажонларни интеллектуал ривожлантириш мақсадида бир қатор кўнгилочар тадбирлар ташкил этилиши режалаштирилган. Жисмоний-тарбия ва спорт-соғломлаштириш, меҳнат, дам олиш, ижтимоий-мослашув, экологик-биологик, техник ижодкорлик, бадиий ижодкорлик йўналишидаги тўгаракларнинг қўшилиши бу йилги мавсумдаги катта янгиликларидан биридир. Мазкур тўгаракларга болалар ўз қизиқиши ва иқтидоридан келиб чиқиб жалб қилинади. 

Болаларга тиббий хизмат кўрсатиш, сифатли ва тўғри овқатланиш маданиятини шакллантириш, энг юқори сифатдаги озиқ-овқат маҳсулотлари билан таъминлаш ва шу каби кўплаб қулайликлар масъуллар томонидан доимий назоратга олинган. 

Мухтасар айтганда, юртимиздаги барча оромгоҳларда фарзандларимизнинг мароқли ҳордиқ чиқариш ва жисмоний чиниқиш билан бирга, билимларини янада бойитишлари учун барча қулай шарт-шароитлар яратилган. 

Маълумот ўрнида, мавсум сўнгига қадар оромгоҳда жами 300дан ортиқ ўғил-қизларнинг ҳордиқ чиқариши режалаштирилган.