“ИНСОН ҚАДРИ УЧУН” АКЦИЯСИ ДОИРАСИДА КОНЦЕРТ ДАСТУРИ ТАШКИЛ ЭТИЛДИ

Энергетика вазирлиги ва “Иссиқлик электр станциялари” АЖ давлатимиз раҳбари томонидан илгари сурилган “Инсон қадри учун” ғояси ижросини таъминлаш мақсадида шу номли акцияга старт берган эди. Унинг доирасида пойтахтимизнинг Яшнобод туманида жойлашган “Асалобод” маҳалласи аҳолиси учун маданий-маърифий тадбирлар ташкил этиб келинмоқда.

Хусусан, ҳафтанинг ҳар пайшанба куни маҳалла аҳолиси учун турли маънавий-маърифий тадбирлар ва концерт дастурлари ташкиллаштирилмоқда.

Бу галги байрамона тадбир дастуридан ўрин олган чиқишларда театр ва цирк томошалари, куй-қўшиқлардан иборат концерт “Асалобод” маҳалласи аҳолисига хусусан, болажонларга хуш кайфият бағишлади. 

Мақсад, маҳалла аҳолисининг муносиб ҳордиқ чиқаришига, ёшларнинг бўш вақтини мазмунли ташкил этишга ҳамда мактаб ўқувчиларининг ёзги таътилини сермазмун ўтказишга кўмаклашишдан иборат.