Global oltin qazib olish sanoatining yetakchi korxonasida transformatsiya

Dunyoning eng yirik oltin ishlab chiqaruvchi korxonalaridan biri bo'lgan Navoiy kon-metallurgiya kombinati (NKMK) xalqaro moliya bozorlariga chiqishga tayyorgarlik ko'rmoqda. Bu strategik jarayonda moliyaviy transformatsiya va biznes tahlil sohasining tajribali mutaxassisi Umidjon Saidxo'jayev muhim o'rin tutmoqda.

Xalqaro audit kompaniyalarida o'z faoliyatini boshlagan Umidjon, yirik tashkilotlarning moliyaviy auditida qatnashib, murakkab xalqaro moliyaviy tizimlar bilan ishlash bo'yicha keng tajriba orttirdi. Bu tajriba NKMKdagi transformatsiya jarayonlarida muhim ahamiyat kasb etdi va korxonaning xalqaro standartlarga moslashishiga ulkan hissa bo’ldi.

Qahramonimiz NKMKda biznes tahlil tizimlarining rivojlantirilishida faol ishtirok etdi. U jamoasi bilan birgalikda ishlab chiqqan Business Intelligence platformasi tufayli kompaniyaning moliyaviy ko'rsatkichlari tahlili 75% ga tezlashdi, hisobot tayyorlash vaqti 60% ga qisqardi. Uning ishtirokida yaratilgan avtomatlashtirilgan qarorlar qabul qilish tizimi ma'muriy xarajatlarni 30% ga kamaytirdi. Bu platforma kombinatning moliyaviy oqimlarini samarali monitoring qilish imkonini berdi va operatsion jarayonlar samaradorligini 45% ga oshirdi.

Xalqaro moliya bozorlariga chiqish yo'lida Umidjon jamoa bilan birgalikda NKMK uchun zamonaviy moliyaviy hisobot tizimini rivojlantirishda qatnashdi. U ishtirok etgan avtomatlashtirilgan konsolidatsiya tizimi bir nechta ishlab chiqarish komplekslarining moliyaviy ma'lumotlarini yagona standartga keltirishga yordam berdi. Bu esa xalqaro investorlar uchun korxona faoliyatining shaffofligini oshirdi.

Raqamli transformatsiya sohasida Umidjon Advanced analytics (yuqori tahlillar) vositalaridan samarali foydalandi. U ishtirok etgan predictive analytics (prognoz tahlillari) loyihalari ishlab chiqarish jarayonlarida nosozliklarni oldindan aniqlash darajasini oshirdi va ta'mirlash xarajatlarini kamaytirdi. Big Data texnologiyalari va Machine learning algoritmlarining joriy etilishi natijasida energiya sarfi optimallashdi, ishlab chiqarish sezilarli tezlashdi va resurslardan foydalanish samaradorligi oshdi.

Bundan tashqari, Umidjon kompaniyaning xodimlari uchun zamonaviy raqamli hisobot tizimini rivojlantirish jarayonida qatnashdi. Bu tizim orqali mehnat unumdorligi ko'rsatkichlarini monitoring qilish va xodimlarning ish faoliyatini baholash tizimi xalqaro standartlarga moslashtirildi.

Bugungi kunda Umidjon NKMKning IPOsiga tayyorgarlik ko'rish jarayonida faol ishtirok etmoqda. U joriy etayotgan moliyaviy boshqaruv tizimlari va biznes tahlil platformalari korxonaning xalqaro investorlar uchun jozibadorligini oshirishga xizmat qilmoqda.

"Umidjon Saidxo’jayev kon-metallurgiya sanoatida biznes tahlil va raqamli transformatsiya sohasida o'ziga xos iz qoldirdi. Uning noodatiy yechimlari va analitik yondashuvi nafaqat NKMK, balki butun soha uchun yangi standartlarni belgilashga yordam berdi," - deya ta'kidlaydi xalqaro kon-metallurgiya sanoati ekspertlaridan biri. 

Qahramonimizning innovatsion yondashuvlari va moliyaviy transformatsiya sohasidagi tajribasi O'zbekistonning yirik sanoat korxonalarini zamonaviylashtirish va xalqaro standartlarga moslashtirish yo'lidagi muhim ishlarning bir qismi bo'lib xizmat qilmoqda. Uning faoliyati davlat korxonalarini xalqaro moliya bozorlariga olib chiqish va zamonaviy texnologiyalarni joriy etish jarayonlarining namunali misolidir.

© Saidaziz Azamov