Uzum Market sertifikatlarni tekshirish muddatlarini yangilamoqda va ularni yuklash bo‘yicha tavsiyalar bilan bo‘lishmoqda

2026-yil 22-maydan Uzum Market tovarlar kartochkalarida sifat sertifikatlari bilan ishlash shartlarini yangilamoqda. Endi sertifikat yuklangandan so‘ng tovarni blokdan chiqarish muddati uch ish kunini tashkil etadi.

Shuningdek, marketpleys tovarlar toifalari, zarur hujjatlar va yuklashdan oldin sertifikatlarni tekshirish qoidalari bo‘yicha ma’lumotlarni bir joyda to‘pladi.

Batafsil ma’lumot bilan havola orqali tanishish mumkin.

Bundan tashqari, Uzum Market sotuvchilarning e’tiborini sertifikatlarni yuklashda tez-tez uchraydigan xatolarga qaratadi: rasmlar sifatining pastligi, nomuvofiq hujjatlardan foydalanish va sertifikat turini noto‘g‘ri tanlash.

Rad etilishining oldini olish uchun hujjatlarning skanerlangan nusxalarini yuklash, talablarni oldindan tekshirib olish va faqatgina tegishli sertifikatlardan foydalanish tavsiya etiladi.

O‘zgartirishlar hujjatlarni tekshirishni soddalashtirish va tovar kartochkalari bilan ishlashda xatolar sonini kamaytirishga qaratilgan.

Reklama huquqlari asosida