BYD o‘zbek tilidagi ovozli yordamchiga ega dunyodagi ilk avtomobil - SONG PLUS DM-i UzPride’ni taqdim etdi

O‘zbekiston Mustaqilligi kuni arafasida BYD kompaniyasi o‘zbek tilidagi to‘liq integratsiyalashgan multimedia tizimi va intellektual ovozli yordamchiga ega dunyodagi birinchi avtomobil - yangilangan SONG PLUS DM-i UzPride modelini taqdim etdi. Ushbu premyera kompaniyaning O‘zbekiston xalqiga va uning 38 million fuqarosiga samimiy tuhfa bo‘lib, g‘urur, hurmat va umumiy intilishlar ramziga aylandi.

Model ikki flagman versiyada taqdim etiladi:

• 110 km Flagship — 374 100 000 so‘m

• 150 km Flagship — 396 600 000 so‘m

SONG PLUS DM-i UzPride — bu shunchaki yangi model emas, balki O‘zbekistonda intellektual va mahalliylashtirilgan mobillikning yangi davri boshlanishining ramzi.

O‘zbek tilidagi ovozli yordamchi

Dunyoda birinchi marta avtomobil tizimida to‘liq avtonom (mustaqil) - tarmoqqa ulanmasdan ishlaydigan o‘zbek tilidagi to‘laqonli intellektual yordamchi joriy etildi. Haydovchilar va yo‘lovchilar mamlakatning istalgan nuqtasida tizim bilan erkin va tabiiy ravishda muloqot qilishlari mumkin. Bu BYD xalqaro jamoasi, o‘zbekistonlik muhandislar va tilshunoslarning birgalikdagi faoliyati tufayli amalga oshirildi: tizim 1,5 milliondan ortiq audio namunalarga o‘rgatildi, bu esa muloqotning aniqligi va tabiiyligini kafolatlaydi. Loyiha O‘zbekiston madaniyati va tiliga hurmat ramzi bo‘lib, kompaniyaning odamlar uchun innovatsiyalar yaratishga sodiqligini tasdiqlaydi.

Yangi interfeys

Tizim uslub va soddalikni uyg‘unlashtirgan zamonaviy minimalistik dizaynga ega bo‘ldi. Intuitiv boshqarish sayohatlarni yanada qulaylashtiradi.

Ko‘ngilochar ekotizim

Multimedia majmuasiga YouTube, Spotify va mashhur o‘yinlar oldindan o‘rnatilgan - bularning barchasi yorqin va zamonaviy raqamli hordiq chiqarish uchun mo‘ljallangan.

SONG PLUS DM-i UzPride DM-i gibrid texnologiyasi va jahon xavfsizlik standartlarini belgilaydigan noyob Blade Battery akkumulyator tizimi bilan jihozlangan. Taqdimotda ommaviy axborot vositalari vakillari mix bilan teshishning mashhur sinoviga guvoh bo‘lishdi: an’anaviy NCM batareyasi alanga olgan holda, Blade Battery yong‘in va portlashlarsiz barqarorligini saqlab qoldi Taqdimotda kompaniyaning O‘zbekiston avtomobil sanoatini rivojlantirish va mahalliy ishlab chiqarish salohiyatini mustahkamlashga bo‘lgan strategik sadoqati alohida ta’kidlab o’tildi.

BYD Uzbekistan Factory atigi 14 oy ichida 17 ta tarkibiy qismni mahalliylashtirishga erishdi — aslida bu natija uch yilga mo‘ljallangan edi. Rejaning bunday muddatdan ancha erta bajarilishi mahalliy R&D jamoasining yuksak mahorati va BYD bilan hamkorlikda mamlakatimizda innovatsiyalar yaratishga bel bog‘lagan o‘zbekistonlik mutaxassislarning fidokorona mehnati samarasidir.

Shuningdek, BYD mijozlarga g‘amxo‘rlik ko‘rsatish doirasida UZTELECOM bilan hamkorlik o‘rnatdi. 2025-yil 1-sentyabrdan boshlab SONG PLUS DM-i UzPride xaridorlari avtomobildan foydalanishning dastlabki uch oyi mobaynida har oyda 10 GB bepul internet-trafik olish imkoniyatiga ega bo‘lishadi.

BYD Oʻzbekistonda:

Rasmiy ishonch telefoni: 1811

Sayt: bydauto.uz

Instagram: @bydauto.uz

Telegram: t.me/bydautouz

Reklama huquqlari asosida