Шаҳрам Ғиёсовнинг навбатдаги рақиби ва жанг санаси маълум бўлди

ноя 08 / 2018

– Шаҳрам Ғиёсов 24 ноябрда профессионал боксдаги навбатдаги жангини ўтказади

– Унга мексикалик чарм қўлқоп устаси Мигель Замудио рақиблик қилади

– 27 ёшли Замудио эса профессионал боксда 53 маротаба жанг қилишга улгурган

alt

Олимпия ўйинлари совриндори, ҳаваскор боксда жаҳон чемпиони Шаҳрам Ғиёсов 24 ноябрда профессионал боксдаги навбатдаги жангини ўтказади. Шу куни ҳамюртимизга мексикалик чарм қўлқоп устаси Мигель Замудио рақиблик қилади. Бу ҳақда Миллий олимпия қўмитаси матбуот хизмати хабар қилди.

Маълумот учун, Шаҳрам бугунги кунгача профессионал боксда 5 та жанг ўтказган ва уларнинг барчасида ғалаба қозонган. 4 та баҳсни у муддатидан олдин якунлай олган.

27 ёшли Замудио эса профессионал боксда 53 маротаба жанг қилишга улгурган. Жангларнинг 41 тасида у ғалаба қозонган (25 таси нокаут эвазига). 11 та жангда эса мағлубият аламини тотиб кўрган (9 та нокаут). Яна битта жангда эса дурангга эришган.

UZ24: Хабар ва янгиликларни FacebookTwitterTelegram'да ҳам кузатиб боринг

 

 

Электрон манзилингиз кўрсатилмайди. Белгиланган майдонлар тўлдирилиши шарт *