Португалиянинг "Порту" клуби Ўзбекистонда футбол лагери ташкил этади

фев 21 / 2019

alt

Шу кунларда ЎФА мутасаддилари Европа бўйлаб сафар уюштириб, турли мамлакатлар футбол клублари билан музокаралар ўтказмоқда. Санъат Шарипов ва Шарофиддин Ҳожиниёзов Португалиянинг "Порту" клубига ташриф буюришди.

У ерда клуб академияси раҳбари Мария Тейшейра билан учрашиб, мамлакатимизда болалар футболини ривожлантириш, футболни оммалаштириш масалаларини муҳокама қилишди. Музокаралар натижасида жорий йилнинг ёзида "Порту" клуби мамлакатимизда болалар футбол лагерини ташкил этиши бўйича келишувга эришилди. 

Бу тижорий лойиҳа бўлиб, маълум миқдордаги маблағ эвазига болалар юртимизда ташкил этиладиган "Порту" клуби лагерида иштирок этиш имкониятига эга бўлишади. Лагер иштирокчилари билан "Порту" клуби академиясидан ташриф буюрадиган болалар футболи мураббийлари турли мастер класслар ўтказишади. Шунингдек, улар учун турли машғулотлар ташкил этилади. Лагер иштирокчилари ўртасида ўртоқлик ўйинлари ўтказиш ҳам режалаштирилган.

UZ24: Хабар ва янгиликларни FacebookTwitterTelegram'да ҳам кузатиб боринг

 

Электрон манзилингиз кўрсатилмайди. Белгиланган майдонлар тўлдирилиши шарт *