Жаҳоннинг энг чиройли арчалари қаерларда ўрнатилди?

янв 11 / 2019

alt

Дунё бўйлаб Янги йилда арчалар турлича безатилади. MyDay йилнинг такрорланмас, ўзгача услубда ясатилган арчалар фотогалереяси билан таништирди.

Париж, Франция

alt

Париждаги Galeries Lafayette универмаги ўз гумбази остида ҳар йили янги йил арчаси чироқларини ёқади. Арча дизайни ҳар йили ўзгариб, юзлаб дунёнинг энг яхши дизайнерлари ўз ижод намуналарини намойиш этиш учун курашадилар.

alt

Энг ёрқин ва ноодатий арчалардан бири мазкур универмаг шифтига осилган 25 метрлик тескари арчадир. Сиёҳранг конуссимон арча тилларанг декорациялари билан савдо маркази интерьерига жуда мос тушган. Бундан ташқари унга ўрнатилган LCD чироқлар ёрдамида у рангини ўзгартириш хусусиятига эга.

Вильнюс, Литва

alt

Вильньюсдаги кафедрал бутхона майдони ва унга ўрнатиладиган янги йил арчаси кўп йиллардан буён бутун дунёдан сайёҳларни ўзига жалб қилади.  Бу йилги чироқлардан ясалган ва рангини ўзгартирадиган кўп қаватли арча ҳам дунёнинг энг чиройли арчалари қаторидан ўрин олди.

Лекин, биз ўтган йиллардаги ноодатий арчага ҳам тўхталиб ўтишни лозим топдик. Эшик ва деразаларга эга ажойиб зумрад арча мумми-троллар уйига ўхшайди.  

alt

Нью-Йорк, АҚШ

alt

alt

Рокфеллер марказидаги Рождество арчаси ҳар йили жаҳоннинг энг муҳташам арчаларидан бири номини олади. Манхеттэннинг гўзал арчалари орасидан оппоқ фаришталар билан ўралган тенгсиз рождество арчаси эътиборимизни тортди.

Тайбэй, Тайвань

alt

alt

alt

Декабрь ойида Тайбэй аҳолиси ва шаҳар меҳмонлари ақл бовар қилмас томошага гувоҳ бўлишлари мумкин. Ҳар куни қуёш ботгач бу ерда ажойиб чироқли шоу бошланади. Чироқли рождество арчасининг баландлиги 36 метрни ташкил қилади.

Рио-де-Жанейро, Бразилия

alt

alt

alt

Бу барчаси битта арчанинг фотосуратлари бўлиб, сузиб юрувчи арча Лагоа кўлига ўрнатилган. Арчанинг баландлиги 82 метрга тенг бўлиб, дунёнинг энг баланд арчаси сифатида Гиннес рекордлар китобидан ўрин олган.

UZ24: Хабар ва янгиликларни FacebookTwitterTelegram'да ҳам кузатиб боринг

 

 

Электрон манзилингиз кўрсатилмайди. Белгиланган майдонлар тўлдирилиши шарт *