Янги йил байрами муносабати билан бир қатор кўчаларга машина қўйишга рухсат берилади

дек 25 / 2019

alt

Пойтахтимизда байрам тадбирлари ўтказилиши муносабати билан 2020 йилнинг 10 январига қадар аҳоли қулайлиги учун автомобилларга қўшимча турар жойлари ташкил этилди, деб хабар қилади Тошкент шаҳар ҳокимлиги матбуот хизмати.

Йўлларнинг айрим қисмларида ҳаракат чекланмайди ва улардан автотураргоҳ сифатида фойдаланиш мумкин бўлади:

- Амир Темур шоҳ кўчасининг Амир Темур хиёбонидан Ўзбекистон шоҳ кўчасигача бўлган қисмида;

- Амир Темур шоҳ кўчасининг Амир Темур хиёбонидан Истиқлол кўчасигача бўлган қисмида;

-  Бухоро кўчасининг Амир Темур шоҳ кўчасидан Тарас Шевченко кўчасигача ҳамда Зарафшон кўчасидан Шароф Рашидов кўчасигача бўлган қисмларида;

-  Матбуотчилар кўчасининг Шароф Рашидов шоҳ кўчасидан Амир Темур хиёбонигача бўлган қисмида;

-  Шароф Рашидов шоҳ кўчасининг Матбуотчилар кўчасидан Алишер Навоий шоҳ кўчасигача бўлган қисмидаги бир томони;

-  Олмазор кўчасининг Ислом Каримов шоҳ кўчасидан Алишер Навоий шоҳ кўчасигача бўлган қисмида;

-  Афросиёб кўчасининг Бешёғоч кўчасидан Юнус Ражабий кўчасигача бўлган қисмида;

- Буюк Турон кўчасининг Ислом Каримов шоҳ кўчасидан Алишер Навоий шоҳ кўчасигача бўлган қисмида (кўчанинг ушбу қисми аввал хабар қилинганидек ёпилмайди);

- Истиқлол  кўчасининг Истиқбол кўчасидан Мустақиллик шоҳ кўчасигача бўлган қисмида;

- Истиқбол кўчасининг Истиқлол кўчасидан Шахрисабз кўчасигача бўлган қисмида.

Шунингдек, хабарда тадбирлар ўтказиладиган ҳудудлардаги бир нечта автотураргоҳлар ҳақида ҳам эслатиб ўтилади.

Жумладан:

1. 50-сонли мактаб рўпарасида

2. “Олой” бозорининг ёнида

3. “Халқлар дўстлиги” саройи ёнидаги иккита автотураргоҳ

4. “Humo Arena” муз саройи ёнидаги автотураргоҳларидан фойдаланиш мумкин.

Электрон манзилингиз кўрсатилмайди. Белгиланган майдонлар тўлдирилиши шарт *