Умумтаълим фанларидан тест топшириқлари тўпламлари нашр этилди

окт 28 / 2019

alt

Давлат тест маркази ҳамда “Давр пресс” нашриёт-матбаа уйи қўшма лойиҳаси асосида барча умумтаълим фанларидан тест топшириқлари тўпламлари тайёрланди, деб хабар беради ДТМ матбуот хизмати.

Тўпламдан 2019 йилги тест синовларида фойдаланилган тест топшириқлари ўрин олган. Тўплам ўқитувчилар, олий таълим муассасаларига кириш учун тайёргарлик кўраётган абитуриентлар ва кенг жамоатчилик учун мўлжалланган.

Жорий йилнинг 1 ноябридан “Она тили ва адабиёт”, “Математика”, “Физика” фанларидан тест топшириқлари тўпламлари сотувга чиқарилади.

Бошқа умумтаълим фанларидан тест топшириқлари тўпламларини эса босқичма-босқич ноябрь ойи якунига қадар сотувга чиқариш режалаштирилган.

Тест топшириқлари мазмуни бўйича таклифлар ва фикр-мулоҳазаларингизни test@dtm.uz электрон манзилига юборишингиз мумкин.

Электрон манзилингиз кўрсатилмайди. Белгиланган майдонлар тўлдирилиши шарт *