Самарада заҳарланган ўзбекистонликлар сони 68 кишига етди
июл
18 / 2019
Россиянинг Самара вилоятида 46 нафар ўзбекистонлик заҳарлангани хабар қилинганди. Ўзбекистон ТИВ матбуот хизмати маълум қилишича, уларнинг сони 68 кишига етди.
Вазирлик хабарига кўра, улар «Кошелевский посад» корхонасида қонуний асосда фаолият юритади ва меҳнат шартномасига эга. Иш берувчи Қозондаги бош консулхонани Ўзбекистон фуқароларининг даволаниши билан боғлиқ барча харажатлар қопланиши ҳақида хабардор қилган.
Ўзбекистонликлар жойлаштирилган тиббий муассасалар ва корхона раҳбарияти билан тиғиз алоқа ўрнатилган ва вазият назоратга олинган.
- Шархлар
- Фикрингизни қолдиринг