"Ҳуқуқ билимдонлари" республика танловининг ғолиблари аниқланди

мая 16 / 2016

alt

2014 йилдан буён ўтказилаётган танлов жорий йилдан бошлаб 4 босқичда ташкил этилди. Жорий йилги танловнинг илк босқичида 900 минга яқин ўқувчилар иштирок этган бўлса, иккинчи босқич(туман/шаҳар)да 50 минг яқин, учинчи ҳудудий босқичда 965 нафар ўқувчилар республика босқичига йўлланмани қўлга киритиш учун баҳсга киришдилар. Якуний босқичда эса 70 нафар ўғил қиз ўзларининг билимларини синовдан ўтказдилар.

Тест ва савол-жавоб орқали жойлардан келган жамоалар ўзларининг билимларини намойиш этган бўлса, саҳна кўринишлари орқали ёшлар орасида ҳуқуқбузарликнинг олдини олиш ва турли иллатларга қарши курашиш масалаларига алоҳида урғу бердилар.

Танлов натижаларига кўра, Тошкент шаҳрининг "Фемида” жамоаси 3-ўрин, Қашқадарё вилоятининг "Ёш ҳуқуқшунослар" жамоаси 2-ўринни қўлга киритган бўлса, 1-ўринга Самарқанд вилоятининг "Юристлар" жамоаси лойиқ деб топилди. Ғолибларга вазирликнинг дипломлари ва қимматбаҳо совғалар топширилди.

Халқ таълими вазирлиги Ахборот хизмати

Электрон манзилингиз кўрсатилмайди. Белгиланган майдонлар тўлдирилиши шарт *