Ҳафта давомида юртимизда қандай об-ҳаво кутилмоқда?

ноя 04 / 2019

alt

Ўзгидрометнинг маълум қилишича, кеча мамлакатимизда кузатилган илиқ ҳаво шу куннинг меъёрий кўрсаткичларидан 3-5 даражага юқори бўлган.

Хабарда айтилишича, мамлакатимизнинг шимолига Урал ҳудудидан салқин ҳаво оқими кириб келишни бошлаган, Хоразм вилояти, Қорақалпоғистонда ёғингарчилик, Устюртда эса биринчи қор ёғди. Ушбу жойларда ҳарорат 10-15 даража, Устюртда айрим жойларда 0 даражагача пасайди. Кечаси совуқ оқим республиканинг барча ҳудудларига тарқалди, мамлакатимиз бўйлаб ёмғир ёғиб, айрим жойларда жалага айланиб ҳарорат кескин пасая бошлади. Бугун ёғингарчилик тўхтайди, ҳарорат 8-10 даражани, шимолда 3-8 даражани ташкил қилади.

5 ноябрдан 9 ноябргача Ўзбекистонда совуқ антициклон ҳукмронлик қилади, об-ҳаво кам булутли бўлиб ёғингарчилик бўлмайди, фақат кечаси ва 5 ноябрь куни тонгда Срхондарё вилояти ва Фарғона водийси вилоятларида ёмғир ёғиш эҳтимоли сақланиб туради. Кечаси ҳарорат 0-5 даража илиқ, атрофида бўлади, 5-7 ноябрда илк кузги аёз кузатилади. Кундузги ҳарорат 5-7 ноябрда 8-13 даража, 8-9 ноябрда 10-15 даража илиқ бўлади.

Электрон манзилингиз кўрсатилмайди. Белгиланган майдонлар тўлдирилиши шарт *