Президентга "хат ёзган" уйсиз болани ИИББ ходимлари излаб топди

фев 07 / 2019

alt

Тошкент шаҳар ИИББ ходимлари болалар уйи тарбияланувчиси Александр Борисовни қидириб топишди, деб хабар қилмоқда ИИББ матбуот хизмати.

Бироз олдин гўёки Борисов номидан президентга “ёзилган хат” ижтимоий тармоқларда кенг тарқатилган эди. Хатда ётоқхонада уни калтаклашлари туфайли кўчада яшашга мажбур бўлаётганини, паспортини ўғирлаб кетишгани ва ИИББ ходимлари  уни ҳужжати йўқлиги учун доим бўлимга олиб кетишларига “арз қилган”.

alt

Тошкент шаҳар ИИББ ходимлари Александр Борисовни қидириб топишди ва унга ёрдам беришди. У ювиниб, сочини олдириб биометрик паспортга суратга тушди. Айни дамда у 58 сонли поликлиникада тиббий кўрикдан ўтмоқда. Кўрикдан сўнг унга ишга жойлашишда ёрдам беришади. Ҳуқуқни сақлаш органлари ходимлари Борисовнинг ётоқхонасидаги вазият билан ҳам танишиб чиқишни ваъда беришган.

alt

Тошкент шаҳар ИИББ мультимедиа маркази  ходимлари унинг номидан президентга ёзилган хатни кўрсатишганда, Борисов хатни у ёзмаганини ва уни интернетда ким тарқатганидан хабари йўқлигини таъкидлади.

alt

Ундан ташқари ёш йигит паспортини ўзи йўқотиб қўйганини ва баъзан алкоголли ичимликлар ичиб туришини ҳам хабар қилган. Буни Борисов олдин ишлаган ширкат ходимлари ҳам тасдиқлашган.

ИИББ ходимлари Борисов тақдиридан доимий равишда хабардор бўлиб туришни ваъда беришмоқда. 

UZ24: Хабар ва янгиликларни FacebookTwitterTelegram'да ҳам кузатиб боринг
 

 

Электрон манзилингиз кўрсатилмайди. Белгиланган майдонлар тўлдирилиши шарт *