Humo Arena очилиш маросимида россиялик юлдузлар иштирок этади

мар 11 / 2019

alt

Бугун Тошкентда 15 март куни режалаштирилган Хумо Арена муз саройиининг очилиш маросимига бағишланган матбуот анжумани бўлиб ўтди, деб хабар қилмоқда Ўзбекистон Олимпия қўмитаси.

Хусусан, очилиш маросимида россиялик спорт ва шоу-бизнес юлдузлари иштирок этиши кутилмоқда.  

“Очилиш маросими спорт мухлисларининг ёдида узоқ вақт сақланиб қолади. Бадиий қисмнинг ўзида 2 мингдан ошиқ иштирокчи қатнашади. Бундан ташқари аренага 6 мингдан зиёд мухлислар келиши кутилмоқда. Очилиш маросимида бош ғоя санъат ва спортни биргаликда уйғунлаштириб беришдир. Шунингдек, унда Павел Буре, Виталий Прохоров каби яқин ўтмишимизнинг хоккей юлдузлари, муз устида рақс бўйича Турин Олимпиадаси чемпиони Татьяна Навка, концерт дастурида эса Филипп Киркоров, Николай Басков, Дима Билан каби эстрада юлдузлари ташриф буюришади”, – дейди очилиш маросими ташкилотчиси Мадина Турсунова.

Шунингдек маросимда Ўзбекистон президенти Шавкат Мирзиёев ва бошқа нуфузли меҳмонлар иштирок этиши мумкинлиги ҳақида олдин ҳам хабар берган эдик.

UZ24: Хабар ва янгиликларни FacebookTwitterTelegram'да ҳам кузатиб боринг

 

 

Электрон манзилингиз кўрсатилмайди. Белгиланган майдонлар тўлдирилиши шарт *