Ўзбекистонда иш ҳафтасини барча учун 5 кунлик қилиб белгилаш таклиф этилди

окт 16 / 2018

 

– Қайд этилишича, мазкур амалиёт орқали ишга нисбатан иштиёқни ва турмуш фаровонлигини ошириш, ички туризмни ривожлантириш, харажатларни иқтисод қилишга эришиш мумкин

Картинки по запросу календарное планирование

Ўзбекистонда барча бюджет ва нодавлат ташкилотларни тўлиқ 5 иш кунидан иборат иш ҳафтасига ўтказиш таклиф қилинди.

“Менинг фикрим” порталида бу ҳақда эълон қилинган петицияда қайд этилишича, мазкур амалиёт ривожланган Европа ва Осиё мамлакатларида кенг қўлланилиб, ўзининг иқтисодий ва ижтимоий самарасини амалда исботлаган.

Муаллиф ушбу тизимнинг афзалликларини санаб ўтди: 

- ишчиларда қўшимча дам олиш кунининг пайдо бўлиши, уларда дам олишга нисбатан эҳтиёжни оширади ва бу албатта, ички туризмнинг ривожи учун муҳим ҳисобланади; 

- ишчиларда ишга нисбатан иштиёқнинг ошиши. Олимларнинг таъкидлашича, 5 кунлик иш куни ишчиларда қўшимча ғайрат пайдо қилар экан. Улар ҳафтанинг биринчи иш кунини барча уй ташвишларидан ҳоли, муаммоларсиз бошлаш имкониятига эга бўлишади; 

- турмуш фаровонлигининг ошиши. Икки кунлик дам олиш ишчи ходимларда оиласи билан кўпроқ вақт ўтказиш имкониятини яратиб, уларда оиласи билан дам олиш, саёҳатларга чиқиш ва бола тарбияси билан биргаликда шуғулланиш, уй юмушларини камайтириш имкониятини яратади ва бу ўз навбатида, жамиятимизнинг асосий бўғини бўлган оиланинг мустаҳкам бўлишига қулай имконият яратади; 

- бюджет ташкилотлари учун харажатларни иқтисод қилиш имконияти. Турли хил коммунал харажатлар ўртача 15-20% га қисқаради. Ходимлар ҳам қисқартирилган кунлар ҳисобига йўл ва овқатланиш харажатларидан иқтисод қилиш имкониятига эга бўлади.

“Шу сабабдан республикамиздаги барча корхона-ташкилотларда 5 кунлик иш кунининг ташкил қилишни ва унинг қатъий таъминланишини таклиф қиламан”, – деб ёзади муаллиф. 

UZ24: Хабар ва янгиликларни FacebookTwitterTelegram'да ҳам кузатиб боринг

Электрон манзилингиз кўрсатилмайди. Белгиланган майдонлар тўлдирилиши шарт *