Блогер Тошкентда доимий прописка режимини бекор қилиш тўғрисида петиция эълон қилди. У овозга қўйиладими?

апр 24 / 2019

alt

Ҳуқуқшунос, блогер Хушнуд Худойбердиев «Менинг фикрим» жамоавий мурожаатлар порталига Тошкент шаҳри ва Тошкент вилоятида доимий прописка режимини бекор қилиш тўғрисидаги мурожаатни жойлади. Блогер ўзининг телеграм каналида ушбу петицияни эълон қилиши сабабини қуйидагича изоҳлади:

— Кўп ишлар аслида кутилмаганда, тасодифан рўй беради. Масалан, бугун «Менинг фикрим» жамоавий мурожаатлар порталига масъуллардан бири портални кўпроқ тарғиб қилсак жамият учун фойдали бўлиши, ҳуқуқий инструментлар орқали кўзланган мақсадларга эришиш мумкинлигини айтиб қолди.
 
Шундан сўнг, портални қандай ишлашини текшириш мақсадида Тошкент шаҳри ва Тошкент вилоятида доимий прописка режимини бекор қилиш тўғрисида жамоавий мурожаат жойладим.
 
5 киши қўллаб-қувватлади, ҳозир экспертиза жараёнида, ҳали овозга қўйилмади. Ўша мурожаатга қолдирилган изоҳда айтилишича, бу каби петициялар модератор томонидан илгари рад қилинган экан.
 
Қизиқ, қайси асос билан? Агар шунақа петицияларни ўтказишмаса, унда бу порталнинг нима кераги бор? Амалда текинга тонировка қилишга рухсат сўраб, натижада 16 млн сўм ҳақ эвазига рухсат олишга эришиш учунми?
 
Кўрамиз, нима бўларкин. Менимча, рад қилишмаса керак.
Ҳозирча мазкур петиция модератор тасдиғидан ўтгани йўқ
 
Хабар ва янгиликларни ОдноклассникиFacebookTwitterTelegram'да ҳам кузатиб боринг

Электрон манзилингиз кўрсатилмайди. Белгиланган майдонлар тўлдирилиши шарт *