Андижондаги ҳайвонот боғи қоровули шерлар қафасига киргани тасвирланган видео эълон қилинди

янв 06 / 2019
alt
 
Андижон вилояти Хўжаобод туманидаги ҳайвонот боғи қоровули шерлар ғажиб ташлаши оқибатида ҳалок бўлгани хабар қилинганди.
 
“Замон” дастурида ушбу ҳодиса содир бўлган вақтдаги видео камералар қайд этган ёзувлар кўрсатилди.
 
Тасвирларда қоровул 2018 йилнинг 30 декабрь куни 16:39 да шерлар сақланадиган қафаснинг ёнига келганини кўриш мумкин. Дастлаб ушбу қафас ёнида бир оз турган. Сўнгра 16:42 да қафасга кириб кетган. Соат 16:50 бўлишига қарамай, қоровул қафасдан қайтиб чиқмаган.

Суд-тиббий экспертизаси маълумотномасига кўра, «бўйин ва тананинг бошқа соҳаларида кўплаб очиқ яралар, тананинг орқа юзасида кўплаб ўткир ботиқ яралар жароҳатлари» етказилиши ва ўткир қон томир етишмовчилиги натижасида воқеа жойида вафот этганлиги аниқланган

Маълум бўлишича, 45 ёшли Худойбердиев Алимардон 2018 йилнинг 24 декабрида ҳайвонот боғида қоровул бўлиб иш бошлаганди.

Ҳолат юзасидан терговга қадар текширув ишлари бошланган.

Видео:

UZ24: Хабар ва янгиликларни FacebookTwitterTelegram'да ҳам кузатиб боринг

 

Электрон манзилингиз кўрсатилмайди. Белгиланган майдонлар тўлдирилиши шарт *