Шавкат Мирзиёев: Асосий мақсад халқимизни рози қилиш, аҳолини, хотин-қизларни иш билан таъминлаш

мар 30 / 2019

alt

Давлатимиз раҳбарининг навбатдаги ташрифи “Ekvatorial chodak group” корхонасида бўлди.  “Ekvatorial chodak group” корхонасини ташкил этишда  Ўзбекистон Республикаси Ташқи иқтисодий фаолият миллий банкининг 3 миллион доллар кредити ҳамда лойиҳа ташаббускорларининг 2 миллион доллар миқдоридаги маблағи сарфланган. Корхонанинг умумий ер майдони 3,5 гектар.

ЎзАнинг маълумот беришича, корхонага Япония, Италия, Туркия ва Хитойдан турли операцияларни бажара оладиган ва ишни конвейер асосида ташкил этиш имконини берадиган 500 дан зиёд замонавий тикув машинаси ҳамда бошқа тегишли дастгоҳлар ўрнатилган. Йилига 1 миллион 500 минг донагача эркаклар жинси шимлари ишлаб чиқариш имконияти мавжуд. Айни кунда корхонада 500 нафарга яқин хотин-қиз меҳнат қилмоқда.

Корхонада ишчиларнинг самарали меҳнат қилиши учун барча зарур шароитлар яратилган. Ошхона фаолияти ва олисдан қатнаб ишловчилар учун транспорт хизмати йўлга қўйилган.

alt

Ишлаб чиқарилган маҳсулотларнинг таннархи кўп омилларга, жумладан, барча технологик жараёнлар корхонанинг ўзида бажарилишига ҳам бевосита боғлиқ. Бу борада корхонада кийим-кечакларни бўяш ва уларга қайта ишлов бериш цехи ташкил этилган. Қолаверса, цех вилоятдаги турдош корхоналарга шартнома асосида уларнинг маҳсулотларини бўяш ҳамда хизмат кўрсатиш ҳисобига, қўшимча фойдага эга бўлади. Яқинда иш бошлаган пойабзал ишлаб чиқариш цехи Италияда ишлаб чиқарилган энг замонавий технологик ускуналар билан жиҳозланган. У йилига бозорга 600 минг донагача маҳсулот етказиб беради. Лойиҳа қуввати тўла ўзлаштирилгач, ишчи-мутахассислар сони қарийб мингтага етади.

Давлатимиз раҳбари технологик жараёнлар билан танишиб, маҳсулотлар сифатини кўздан кечирди. Корхона ишчилари билан мулоқот қилди. Иқтисодий соҳадаги барча чора-тадбирлар, саъй-ҳаракатлардан мақсад халқимизни рози қилиш, аҳолини, хотин-қизларни иш билан таъминлаш эканини таъкидлаган.

Хабар ва янгиликларни ОдноклассникиFacebookTwitterTelegram'да ҳам кузатиб боринг  

 

Электрон манзилингиз кўрсатилмайди. Белгиланган майдонлар тўлдирилиши шарт *