Инвестиция ва ташқи савдо вазирлиги хорижий бензинга акциз солиғини 4 баравар ошириш таклифига муносабат билдирди

мая 29 / 2020
alt
“Ўзбекнефтгаз” АЖнинг фақат нефть маҳсулотлари импортига акциз солиғини 20% га ошириш бўйича таклифи Тариф ва нотариф тартибга солиш кенгашининг Котибиятига тақдим этилмаган. Бу ҳақда Инвестициялар ва ташқи савдо вазирлиги ҳузуридаги Тариф ва нотариф тартибга солиш бўйича кенгаш Котибияти хабар берди.
 
Кенгаш баёнотида қайд қилинишича, ставканинг таклиф этилаётган ўзгариши халқаро мажбуриятлар ва амалиётга мос келмаслиги сабабли кўриб чиқилиши ва қўлланилиши мумкин эмас.
 
МДҲ доирасида тузилган эркин савдо зонаси тўғрисидаги кўп томонлама Битимига (Битим) қўшилишда Ўзбекистон Республикаси томонидан қабул қилинган мажбуриятларни қайд этиш лозим.
 
Битимни унинг томонлари ва Ўзбекистон Республикаси ўртасида қўллаш тўғрисидаги Баёнига мувофиқ, 2020 йилнинг 31 декабрида Ўзбекистон томонидан мамлакатимизда ишлаб чиқарилган товарлар ва импорт қилинган товарларга акциз солиғи ставкаларини унификация қилиш учун қабул қилинган ўтиш даври тугайди, яъни белгиланган муддатгача мамлакатимизда ишлаб чиқарилган ва импорт қилинган товарларга ўрнатилган акциз солиғи ставкалари умумий махражга келтирилиши керак.
 
Акциз солиғининг товарлар бўйича унификациясини таъминлаш ЖСТ ва ЕОИИ каби халқаро ҳамда минтақавий ташкилотларнинг ҳужжатлари ва амалиётларида ҳам назарда тутилган.
 
Ҳозирги кунда Ўзбекистонда импорт қилинганда 52 та товар позициясига, маҳаллий ишлаб чиқаришда эса - 15 та позицияга акциз солиғи солинмоқда, хусусан:
 
42 та товар позициялари бўйича фақат импорт қилишда акциз солиғи солинади;
10 та товар позициялари бўйича импорт қилиш ва мамлакатимизда ишлаб чиқариш (шу жумладан, нефть маҳсулотлари) ҳолатларида бир хил қийматга эга бўлмаган акциз солиғи ставкалари ўрнатилган;
5 та товар позициялари бўйича фақат мамлакатимизда ишлаб чиқарилган товарларга акциз солиғи солинади.
 
Шу муносабат билан жорий йилнинг 12 май куни Ивестициялар ва ташқи савдо вазирлигида бўлиб ўтган Тариф ва нотариф тартибга солиш кенгашининг навбатдаги мажлисида тегишли вазирлик ва идоралар раҳбарлари эътиборига республика томонидан акциз солиғини солишни унификация қилиш ва тегишли чора-тадбирлар тайёрлаш бўйича ўз зиммасига олинган мажбуриятларни бажариш зарурлиги тўғрисида маълумот ҳавола этилди.
 
«Шу билан бирга, товарларни ишлаб чиқариш ва импорт қилишда бир хил солиқ ставкалари қўлланилса, ишлаб чиқарилган ва импорт қилинадиган акцизли маҳсулотларга нисбатан тенг ва адолатли ёндашув таъминланади, бу эса рақобат учун тенг шароитларни яратади», дейилади кенгаш баёнотида.
 
Олдинроқ, кенгаш импорт қилинадиган тайёр нефть маҳсулотларига (АИ-80, АИ-91 ва АИ-92) қўйилган акциз солиғини тўрт баравар оширишни таклиф қилгани ҳақида хабар берилганди.

Электрон манзилингиз кўрсатилмайди. Белгиланган майдонлар тўлдирилиши шарт *