Хоразмда жорий йил бошидан буён корхоналар томонидан 23 млн доллар миқдорида экспорт амалга оширилди

июл 23 / 2016

alt

Урганчда 2016 йилнинг биринчи ярмида Хоразм вилоятини ижтимоий-иқтисодий ривожлантириш якунлари ва жорий йилга мўлжалланган иқтисодий дастурнинг энг муҳим устувор вазифалар ижросига бағишланган фаоллар йиғилиши бўлиб ўтди.
Жорий йилнинг ўтган даврида Хоразм вилояти ялпи ҳудудий маҳсулоти 3,7 фоизни ташкил этди. Саноат маҳсулотлари ишлаб чиқариш 24,6, қишлоқ хўжалиги 7,1, қурилиш ишлари 17,2, чакана савдо айланмаси 11,1, хизматлар ҳажми 15 фоиз ўсди. 
Ўзлаштирилган инвестициялар ҳажми 6,4 фоиз ўсди, хусусан, хорижий инвестициялар ва кредитлар ҳажми 38,6 миллиард сўмни ташкил қилди. 
Хоразм вилоятини 2016-2018 йилларда ижтимоий-иқтисодий ривожлантириш дастурига мувофиқ, жорий йилнинг биринчи ярмида 1158 лойиҳа амалга оширилди, 137 миллиард сўм миқдорида инвестиция киритилди. 4 минг 800 дан ортиқ янги иш ўрни яратилди. 
Ҳудудий корхоналар томонидан 23,5 миллион доллар миқдорида экспорт амалга оширилди. Пойтахтимизда ўтказилган I Халқаро мева-сабзавот ярмаркаси доирасида қиймати 158 миллион долларлик 23 шартнома тузилди.

Электрон манзилингиз кўрсатилмайди. Белгиланган майдонлар тўлдирилиши шарт *