Эркинжон Турдимов Самарқанддаги фаолиятини таъмирланаётган Ёшлар марказини кўришдан бошлади

июл 16 / 2018

alt

Вилоят ҳокимининг ўринбосари Рустам Қобилов ўзининг facebook ижтимоий тармоғидаги саҳифасида бу ҳақда хабар қолдирди.

Самарқанд вилояти ҳокими вазифасини бажарувчи Э.Турдимов ушбу лавозимга тайинланганидан бир кун ўтиб шаҳардаги ижтимоий соҳа объектларида амалга оширилаётган ишлар билан танишишга чиқди.

Э.Турдимов ташриф буюрган илк объект Ёшлар маркази бўлди.

Вилоят ҳокими Ёшлар марказида олиб борилаётган қурилиш ишлари билан яқиндан танишди ва зарур тавсияларни берди. Жумладан, марказ ёшларнинг эмин-эркин кириб-чиқишлари учун қулай бўлиши, бу ерда ёшлар ўзларини эркин ҳис қилиши учун барча шарт-шароит яратилиши лозимлигини таъкидлади.

Шундан сўнг вилоят ҳокими Президент Шавкат Мирзиёев ташаббуси билан ташкил этилган “Ипак йўли” туризм халқаро университетида ташкил этилган қабул жараёни билан танишди ва ушбу муассасада яқин келажакда халқаро даражада таълим бериш учун нималарга аҳамият қаратиш лозимлиги ҳақида ўз фикрларини билдирди.

Э.Турдимов Самарқанд давлат университети педагогика факультетида олиб борилаётган қурилиш-ободонлаштириш ишлари ҳамда Республика шошилинч тиббий ёрдам илмий маркази вилоят бўлимининг янги биносини қуриш учун мўлжалланган ҳудуд билан ҳам танишди.

 

alt

 

UZ24: ХАБАР ВА ЯНГИЛИКЛАРНИ TELEGRAM'ДА ҲАМ КУЗАТИБ БОРИНГ

Электрон манзилингиз кўрсатилмайди. Белгиланган майдонлар тўлдирилиши шарт *