Ўзбекистон Ёшлар иттифоқининг мақсад ва вазифалари қандай бўлади?
04 июл 2017, 10:09 25530 кўрилди

alt

Хабарингиз бор, шу йилнинг 30 июнь куни Президент Шавкат Мирзиёев иштирокида "Камолот" Ёшлар ижтимоий ҳаракатининг IV қурултойи бўлиб ўтди. Унда ташкилот фаолиятини тугатиш ва унинг ўрнида Ўзбекистон Ёшлар иттифоқи ташкил этиш тўғрисида қарор қабул қилинди.

Мазкур Иттифоқнинг мақсад ва вазифалари қандай бўлади, деган савол кўпчиликни қизиқтириши табиий. 3 июль куни Халқаро пресс-клубда бўлиб ўтган “Ўзбекистонда ёшлар сиёсати: долзарб масалаларга замонавий ёндошув” мавзусидаги анжуманда янги тузилган Ёшлар Иттифоқи ташкилоти раиси Қаҳрамон Қуранбоев ана шу саволга жавоб берди:

— 30 июнь санаси мамлакатимизда тарихий воқеа бўлди, деб айтоламиз. Шу куни Президентимиз Шавкат Миромонович томонидан ёшлар билан 3,5 соат давомида очиқ мулоқот ўтказилди. Шу куни Ўзбекистон Ёшлар иттифоқи ташкил топди. Иттифоқнинг олдида турган вазифаларга Президентимиз алоҳида тўхталиб ўтдилар. Қурултой иштирокчилари янги ташкилот бўйича ўз фикрларини билдиришди. Янги ташкилот ёшларнинг чинакам таянчи ва суянчи бўладиган, ҳар қандай расмиятчиликдан холи, айниқса, ёшлар манфаатини ҳимоя қиладиган ташкилот бўлиши, масалан, қандайдир тадбир ўтказиб, "бўлди, мақсалга эришдик" деб қайтиб келиш эмас, аввало ўша жойдаги мавжуд муаммоларни ўрганиб, уларни бартараф этиш бўйича алоҳида дастурлар билан ишлаши керак.

Қуранбаевнинг маълум қилишича, янги ташкилотга жисмоний шахслар билан бирга юридик шахсларни ҳам аъзо қилиш кўзланган.

“Ёшлар иттифоқига жисмоний ҳамда юридик шахсларнинг ҳам аъзо бўлиши ваколатлари берилмоқда. Юридик шахс мақомида аъзо қилинадиган ташкилотларда, энг биринчи ёшларнинг қизиқишидан келиб чиқиб, Ёш фермерлар, Ёш тадбиркорлар, Ёш олимлар каби уюшмалар ташкил этиш кўзда тутилган”, - дейди Иттифоқ раиси.

Шунингдек, Қуранбаев бугунги кунда Иттифоқнинг меъёрий ҳужжатлари ишлаб чиқилаётганини, келгусида Президент академияси қошида Ёшлар муаммоларини ўрганиш институти ташкил этилишини ва бу бўйича керакли услубий қўлланмалар, йўл хариталари ишлаб чиқилаётганини қўшимча қилди.

Қайд этилишича, Ўзбекистон Ёшлар иттифоқининг ҳуқуқий мақоми Нодавлат, нотижорат ташкилот бўлади ва у ўзида бир неча ННТларни бирлаштиради.

UZ24: Хабар ва янгиликларни Facebook ҳамда Telegram'да ҳам кузатиб боринг

Шархлар
Мехмон
  04 июл 2018, 17:26
Mening o‘glim kollejni bitirdi endi oliy o‘quv yurtiga xujjat topshirish arafasida.Shu bn birga tadbirkorlikni boshlamoqchi .Yoshlar ittifoqiga murojat qilsa bo‘ladimi ish boshlashga yordam berishadimi.kontrakt pulini o‘zi ishlab topmoqchi.
Суннат
  27 июн 2018, 08:17
Тадбиркорлик буйича Ёшлар иттифокидан кредит олмокчиман. Кандай хужжатлар расмийлаштириш керак булади.
Зилола
  26 март 2018, 18:05
Салом, Рекламада айтилишича йошлар иттифоки азолари га махсус укув маркази мавжуд емиш бепул талим шу ростми менхам азо болсам боладими йошим 23 да ишсизман илтимос малумот берсангиз
Мехмон
  10 март 2018, 00:07
Марафонда катнашмокчиман собуров жумабек Нолмуродович 09.11.1990 йил тугилгансурхондарё вилояти
элдар
  08 март 2018, 18:52
Салом мен Андижон вилояти Кургонтепа туманидан Камбаров Элдар. Ёшим 24 да Андижон вилояти Жалакудук педагогика ичтимоий иктисодийот коллежининг хукукшунослик факультетини тамомлаганман. Мен хам Ёшлар иттифокига аьзо булмокчиман, хамда ушбу ташкилотда ишласам буладими. Илтимос ёрдам беринглар.
Мехмон
  04 март 2018, 06:39
Салом коллежда ишлайдиган ешлар иттифоки етакчиларига кандай имкониятлар бор
Мехмон
  23 феврал 2018, 18:36
Салом ёшлар иттифокига нечи ёшгача азо булса булади
Мехмон
  22 феврал 2018, 14:57
Assalomu aleykum men yoshlar ittifoqiga azo bo'lmoqchiman elektron blanka to'ldirishda muammo yuzaga keldi, blankada azo boluvchi yoshning o'qish o'qimasligini ko'rsatib o'tish lozim men chet el talabasiman u yerda Men o'qiyotgan universitet ko'rsatilmagan qanday azo bo'lsam bo'ladi?
Мехмон
  12 феврал 2018, 15:44
Yoshlar ittifoqi azolariga qatnovdagi avtobuslarda yo'l kira haqqi bepul bolishi rostmi
Mehmon
  09 феврал 2018, 11:48
Qanday kilib yoshlar ittifoqiga azo bulish mumkun oldindan raxmat
Реклама