Абдулла Арипов ва Имомали Раҳмон фуқароларни чегарадан ўтиш тартибини соддалаштириш масаласини муҳокама қилди
10 янвuary 2018, 18:42 1962 кўрилди

alt

Тожикистон Республикаси Президенти Имомали Раҳмон Душанбега расмий ташриф билан борган Ўзбекистон Республикаси Бош вазири Абдулла Ариповни қабул қилди. Бу ҳақда Тожикистон Республикаси Президентининг матбуот хизмати хабар қилади

Ўтказилган ҳукуматлараро комиссиянинг йиғилишида икки мамлакат ўртасидаги ўзаро савдо-иқтисодий алоқалар муҳокама қилинди.

Учрашув давомида савдо чекловларини бартараф қилиш билан боғлиқ масалалар, фуқароларнинг ҳаракатини соддалаштириш, товарларни ташиш учун таърифларни камайтириш, икки мамлакатни боғлаб турувчи мавжуд йўлларни реабилитация қилиш, давлат чегаралари билан боғлиқ кўплаб масалалар бўйича келишиб олинди. 

Тожикистон ва Ўзбекистон учун фойдали бўлган сув ва энергетика масаласи, саноат маҳсулотлари кўргазмаларини ташкил этиш, Ўзбекистон ҳамда Тожикистон маданият кунларини ташкил этиш борасида қилинган ва қилинаётган ишлар алоҳида эътироф этилди. 

UZ24: Хабар ва янгиликларни Facebook ҳамда Telegram'да ҳам кузатиб боринг

 
Шархлар
Реклама