Eng ko‘p nikoh Qashqadaryoda

O‘zbekistondagi oila statistikasiga oid ba’zi raqamlar ochiqlandi. Bu haqida Adliya vaziligi oʻzining telegram kanalida maʼlumot berdi.

Nikohlar soni

O‘tgan yili O‘zbekistonda 283 788 ta nikoh qayd etilgan edi. Eng ko‘p nikoh Samarqand viloyatida bo‘lib, 32 177 nafar to‘yni "ko‘rgan" edik. Joriy yilning dastlabki 4 oyida esa 48 615 ta nikoh holati qayd etilib, bu safar eng ko‘p nikoh Qashqadaryoda - 5 542 ta. 2023-yilda eng keksa oila 93 yoshli erkak va 82 yoshli ayol o‘rtasida qurilgan edi, 2024-yildagi hozircha eng faxriy oila 86 yoshli er va 77 yoshli xotin o‘rtasida qurildi.

Tug‘ilish statistikasi

O‘tgan yili jami 968 140 nafar bola dunyoga kelgan bo‘lib, shundan 501 577 nafar o‘g‘il bola va 466 563 nafari qiz. Eng ko‘p tug‘ilish esa Samarqand viloyatida qayd etilgan - 114 446 nafar go‘dak. Joriy yilning dastlabki 4 oyida esa 207 263 nafar chaqaloq tug‘ilib, shundan 107 501 nafari o‘g‘il va 99 762 nafari qiz bola. Ushbu yilda ham eng ko‘p bola Samarqandda dunyoga kelgan - 24 016 nafar.

To‘y mavsumi

O‘tgan 2023-yilda eng ko‘p nikoh qayd etilgan to‘y mavsumi oktyabr oyiga to‘g‘ri keladi. Eng kam to‘y esa aprelda qayd etilgan.