Самарқандда "Ласетти" 3 қизни уриб кетгани ҳақида расмий хабар берилди (+видео)

окт 12 / 2018

 

– Ҳодиса 9 октябрь куни соат 21.30да Самарқанд шаҳар Регистон кўчасида рўй берган

– Учала қиз ҳам Самарқанд Давлат чет тиллар институти 2-босқич талабалари бўлишган

– ЖКнинг 266-моддаси 1-қисми билан жиноят иши қўзғатилди

alt

Ижтимоий тармоқларда Самарқанд вилоятида “Ласетти” русумли автомашинаси ҳайдовчиси уч қизни уриб юборгани ҳақидаги видеолавҳа тарқалган эди. Бу ҳақда ИИВ Жамоатчилик ва оммавий ахборот воситалари билан алоқалар бошқармаси матбуот хизмати расмий хабар берди.

Ҳолатга ойдинлик киритиш мақсадида, Самарқанд вилояти ИИБ ҳузуридаги Тергов бошқармасидан олинган маълумотга кўра, шу йилнинг 9 октябрь куни соат 21.30да Самарқанд шаҳар Регистон кўчасида жойлашган “Мўъжиза” базмгоҳи қаршисидан ўтувчи автомобиль йўлида ҳайдовчи Қ.И. бошқарувидаги “Ласетти” русумли автомашинасини Панжакент кўчаси томондан Даҳбет кўчаси томонга бошқариб бораётиб, автомашина йўналиши билан йўлнинг чап томонидан ўнг томонига пиёдалар йўлагидан йўлни кесиб ўтаётган уч қизни уриб юборган.  

Йўл-транспорт ҳодисасида Самарқанд вилоятининг Каттақўрғон туманида туғилиб ўсган, Самарқанд Давлат чет тиллар институти 2-босқич талабалари 1994 йилда туғилган У.Х., 1996 йилда туғилган У.И., 1996 йилда туғилган У.О.лар турли даражадаги тан жароҳатлари олиб, касалхонага ётқизилган. Ҳозирда уларнинг саломатликларни таклаш юзасидан барча тиббий муолажалар амалга оширилмоқда.

Мазкур ҳолат юзасидан ЖКнинг 266-моддаси 1-қисми билан жиноят иши қўзғатилиб, дастлабки тергов ҳаракатлари олиб борилмоқда.

Видео:

UZ24: Хабар ва янгиликларни FacebookTwitterTelegram'да ҳам кузатиб боринг

 

Электрон манзилингиз кўрсатилмайди. Белгиланган майдонлар тўлдирилиши шарт *