09 янвuary 2018, 12:18 501 кўрилди

Риштонлик тадбиркор Дилшод Болтабоев шаҳар марказидаги деҳқон бозори ҳудудида ўз ҳисобидан халқ кутубхонаси очгани ҳақида аввал хабар қилинганди.

ziyouz.uz портали ёзишича, ушбу халқ кутубхонасини янада кенгайтириш учун ҳашар акцияси бошланди.

Риштон деҳқон бозори ҳудудида жойлашган кутубхона учун 12 квадрат метр жойда кичик бино қурилмоқда. Бунинг учун Риштон тумани ҳокимлигидан рухсатнома олинди. Бино Акфа ромлар билан ўралиб, ичига китоб жавонлари жойланади, ўқувчиларга керакли шароитлар яратилади.

Кутубхона учун хайрия фонди очиш мақсадида Дилшод Болтабоев номига Агробанкдан пластик карта очилди. Дилшод Болтабоев фондга тушган барча маблағлар ва бино харажатларини Фейбукдаги саҳифасида хабар қилиб келмоқда.

“Бисмиллоҳ деб ишни бошладик. Цемент ётқизиб бўлинди. Худо хоҳласа, кўрган барча инсонлар ҳавас қиладиган кутубхона қилиш ниятим бор. Мана шу ердан жой ажратилишига бевосита кўмаклашган Халқ таълими вазири ўринбосари Алишер Саъдуллаевга, Риштон тумани ҳокими Ғайратали Мамадалиевга миннатдорлик изҳор этаман”, - дейди Дилшод Болтабоев.