"Нукус" халқаро аэропортида янги йўловчи терминали ишга туширилди (+фото)
11 июл 2018, 16:39 834 кўрилди

alt

"Нукус" халқаро аэропортида соатига 400 нафар йўловчига хизмат кўрсатиш имконига эга янги йўловчи терминали ишга туширилди. Бу ҳақда Миллий авиакомпания ахборот хизмати хабар қилади.

alt

Мазкур терминал йўловчилар ва уларнинг юкларига халқаро стандартларга мувофиқ хизмат кўрсатиш имконини берадиган  энг замонавий техника билан жиҳозланган. Бинода авиация хавфсизлигини юқори даражада таъминлаш учун замонавий муҳандислик ва технологик жиҳозлар ўрнатилган.

alt

Шунингдек, парвозолди назорати ва юк олиш майдонлари кенгайтирилган ҳамда  рўйҳатдан ўтиш устунлар сони кўпайтирилган. Терминалда маҳаллий ва халқаро авиайўналишлар учун йўловчилар зали, она-бола хоналари, тиббиёт пункти, валюта айирбошлаш шоҳобчалари, сувенир дўконлари, кафе-бар ва бошқа қулайликлар йўловчилар хизматида.

alt

Янги терминалнинг дизайнини ишлаб чиқишда ҳудуднинг иқлим шароити ҳам ҳисобга олинган. Унда технология, хавфсизлик ва қулайлик ўртасидаги мувозанатга эришилган. Йўловчи ўтказиш ҳажми ва хизмат кўрсатиш тезлиги ошиши туфайли терминалда йўловчиларга хизмат кўрсатиш даражаси ортади, ва бу, албатта, сайёҳлар ҳамда хорижий авиакомпанияларни жалб қилишга ва янги йўналишлар очилишига хизмат қилади.

alt

 Эслатиб ўтамиз,  "Нукус" халқаро аэропорти ҳар қандай русумдаги самолёт ва вертолётларни қабул қилиш имконига эга. Учиш-қўниш йўлагининг узунлиги 3 минг метр, кенглиги 45 метрдан иборат.

alt

Аэродромда халқаро стандартларга жавоб берувчи замонавий ёритиш-сигнал ва аэронавигация ускуналари ўрнатилган.

UZ24: ХАБАР ВА ЯНГИЛИКЛАРНИ TELEGRAM'ДА ҲАМ КУЗАТИБ БОРИНГ

Шархлар
Реклама