ИИО ходимларига пенсия ва нафақа тайинлаш ҳамда тўлаш тартиби тўғрисидаги йўриқнома тасдиқланди

мар 05 / 2018

alt

Ички ишлар органлари ходимларига пенсия ва нафақа тайинлаш ҳамда тўлаш тартиби тўғрисидаги йўриқнома Адлия вазирлигида давлат рўйхатидан ўтказилди, деб хабар қилади вазирликнинг "Ҳуқуқий ахборот" канали.

Йўриқномага асосан ички ишлар органлари ходимлари ёки уларнинг оила аъзоларига пенсиянинг қуйидаги турлари тайинланади:

  • хизмат муддатини ўтаганлиги бўйича пенсияси (уни олиш ҳуқуқи мавжуд бўлганда);
  • ногиронлик пенсияси;
  • боқувчисини йўқотганлик пенсияси.

Бундан ташқари ички ишлар органлари ходимлари ёки уларнинг оила аъзоларига бир марта тўланадиган:

  • хизматдан пенсияга чиқиш муносабати билан бўшатилаётган ходимларга тўланадиган нафақа;
  • ички ишлар органи пенсионери вафот этганлиги муносабати билан дафн этиш маросими учун унинг оила аъзоларига тайинланадиган нафақа ҳам тайинланади.

Хизматдан пенсияга чиқиш муносабати билан бўшатилган ходимга пенсия тайинлаш учун зарур бўлган ҳужжатлар ички ишлар органларининг кадрлар (бош) бошқармалари томонидан қабул қилинади.

UZ24: Хабар ва янгиликларни Telegram'да ҳам кузатиб боринг

 

Электрон манзилингиз кўрсатилмайди. Белгиланган майдонлар тўлдирилиши шарт *